wasl ki raat adu ki shab-e-furqat meri

vasl kī raat adū kī shab-e-furqat merī

haaye vo ġhair kī taqdīr ye qismat merī

phir bahār aate hī taaza huī vahshat merī

āj-kal phir nahīñ qaabū meñ tabī.at merī

na to maut aatī hai ai dil na sahar hotī hai

aaj kaaTe nahii. kaTtī shab-e-furqat merī

sāqiyā aañkh milā kar mujhe de jām-e-sharāb

yuuñ to mai se na bharegī kabhī niit merī

hai yaqīñ mujh ko dam-e-naz.a vo ā.eñge zarūr

jaan ke saath nikal jā.egī hasrat merī

be-kasī saath diyā tuune mirā jiite jī

chhoḌ denā na pas-e-marg rifāqat merī

na zamīñ tāza-o-sar-sabz dam fikr hu.vī

bahr-e-mavāj hai 'ālī' ki tabī.at merī

wasl ki raat adu ki shab-e-furqat meri

haye wo ghair ki taqdir ye qismat meri

phir bahaar aate hi taza hui wahshat meri

aaj-kal phir nahin qabu mein tabiat meri

na to maut aati hai ai dil na sahar hoti hai

aaj kaTe nahi kaTti shab-e-furqat meri

saqiya aankh mila kar mujhe de jam-e-sharab

yun to mai se na bharegi kabhi nit meri

hai yaqin mujh ko dam-e-naza wo aaenge zarur

jaan ke sath nikal jaegi hasrat meri

be-kasi sath diya tune mera jite ji

chhoD dena na pas-e-marg rifaqat meri

na zamin taza-o-sar-sabz dam fikr huwi

bahr-e-mawaj hai 'ali' ki tabiat meri