rah-e-ishq mein ye sitam rahe faqat ek musht-e-ghubar par

rah-e-ishq meñ ye sitam rahe faqat ek musht-e-ġhubār par

kabhī khaal khīñchī ga.ī mirī to chaḌhā diyā daar par

koī tabsira bhī kare to kyā tire pur-ḳhulūs shi.ār par

jo nasīb-e-gul hai tirā karam to nigāh-e-lutf hai ḳhaar par

nahīñ josh-e-ishq shabāb par nahīñ zauq-e-dīd bahār par

ye ḳhayāl-e-ḳhām hai jazb-e-dil ki naqāb hai ruḳh-e-yār par

mire valvale mire hausle jo sharīk-e-zauq-e-sujūd haiñ

to hazār ka.abe banā.ūñgā maiñ jabīñ se ab dar-e-yār par

vo adā-shanās-e-ḳhizāñ huuñ maiñ vo mizāj-dān-e-bahār huuñ

na hai e'tibār-e-ḳhizāñ mujhe na yaqīn fasl-e-bahār par

kisī bevafā ke ḳhayāl meñ ye aziyyateñ ye musībateñ

jo ye aar hai to huā kare mujhe faḳhr hai isī aar par

vo ajiib the vo latīf the mujhe apne dil se 'azīz' the

vahī saañs merī hayāt ke jo guzar ga.e dar-e-yār par

rah-e-ishq mein ye sitam rahe faqat ek musht-e-ghubar par

kabhi khaal khinchi gai meri to chaDha diya dar par

koi tabsira bhi kare to kya tere pur-KHulus shiar par

jo nasib-e-gul hai tera karam to nigah-e-lutf hai KHar par

nahin josh-e-ishq shabab par nahin zauq-e-did bahaar par

ye KHayal-e-KHam hai jazb-e-dil ki naqab hai ruKH-e-yar par

mere walwale mere hausle jo sharik-e-zauq-e-sujud hain

to hazar kabe banaunga main jabin se ab dar-e-yar par

wo ada-shanas-e-KHizan hun main wo mizaj-dan-e-bahaar hun

na hai e'tibar-e-KHizan mujhe na yaqin fasl-e-bahaar par

kisi bewafa ke KHayal mein ye aziyyaten ye musibaten

jo ye aar hai to hua kare mujhe faKHr hai isi aar par

wo ajib the wo latif the mujhe apne dil se 'aziz' the

wahi sans meri hayat ke jo guzar gae dar-e-yar par