mansha ghalat na tha mera maqsad na tha ghalat

manshā ġhalat na thā merā maqsad na thā ġhalat

sochā gayā ġhalat mujhe samjhā gayā ġhalat

maiñ to safīr-e-ishq-o-mohabbat rahā magar

rokā gayā ġhalat mujhe Tokā gayā ġhalat

kaise namāz-e-ishq adā us kī ho ga.ī

niyyat ḳharāb jis kī thī qibla bhī thā ġhalat

maiñ oḌh ke ridā.e mohabbat fanā huā

phir bhī mere vajūd ko samjhā gayā ġhalat

har baat ā.īne kī tarah saaf thī magar

mafhūm us kā phir bhī nikālā gayā ġhalat

chehra kitāb-e-dard mohabbat banā rahā

vo harf-e-āshnā mujhe paḌhtā rahā ġhalat

huuñ us kī bebasī pe dil-o-jān se fidā

sab jaan ke bhī mujh ko samajhtā rahā ġhalat

'rahbar' nisāb ishq mukammal to paḌh liyā

satreñ ġhalat paḌhīñ paḌhā hāshiya ġhalat

mansha ghalat na tha mera maqsad na tha ghalat

socha gaya ghalat mujhe samjha gaya ghalat

main to safir-e-ishq-o-mohabbat raha magar

roka gaya ghalat mujhe Toka gaya ghalat

kaise namaz-e-ishq ada us ki ho gai

niyyat KHarab jis ki thi qibla bhi tha ghalat

main oDh ke ridae mohabbat fana hua

phir bhi mere wajud ko samjha gaya ghalat

har baat aaine ki tarah saf thi magar

mafhum us ka phir bhi nikala gaya ghalat

chehra kitab-e-dard mohabbat bana raha

wo harf-e-ashna mujhe paDhta raha ghalat

hun us ki bebasi pe dil-o-jaan se fida

sab jaan ke bhi mujh ko samajhta raha ghalat

'rahbar' nisab ishq mukammal to paDh liya

satren ghalat paDhin paDha hashiya ghalat