un ko gale lagae zamane guzar gae

un ko gale lagā.e zamāne guzar ga.e

ya.anī hañse hañsā.e zamāne guzar ga.e

rone kī aarzū bhī to jaatī rahī mirī

zaḳhmoñ ko muskurā.e zamāne guzar ga.e

lagtā hai mujh ko aaj koī jāntā nahīñ

patthar bhī ghar meñ aa.e zamāne guzar ga.e

aa jā ki terī diid kī puurī ho aarzū

āñkhoñ ko ghar banā.e zamāne guzar ga.e

apne hī choT dete rahe har ghaḌī mujhe

ġhairoñ se choT khaa.e zamāne guzar ga.e

un ko gale lagae zamane guzar gae

yani hanse hansae zamane guzar gae

rone ki aarzu bhi to jati rahi meri

zaKHmon ko muskurae zamane guzar gae

lagta hai mujh ko aaj koi jaanta nahin

patthar bhi ghar mein aae zamane guzar gae

aa ja ki teri did ki puri ho aarzu

aankhon ko ghar banae zamane guzar gae

apne hi choT dete rahe har ghaDi mujhe

ghairon se choT khae zamane guzar gae