ye kya kiya ki waqt ke mehwar se kaT gaya

ye kyā kiyā ki vaqt ke mehvar se kaT gayā

ya.anī anā kī zid meñ bhare ghar se kaT gayā

us ke nasīb meñ hai kahāñ kHushbū-e-iram

jo karbalā meñ sabt-e-payammbar se kaT gayā

teġh-o-sinān se nahīñ suniye janāb jī

apnā galā to pyaar ke ḳhanjar se kaT gayā

manzil use milegī bhalā kis tarah suno

jo darmiyān-e-rāh meñ 'rahbar' se kaT gayā

maiñ to shikār un kī nigah-e-nāz kā huā

ye kis ne kah diyā ki maiñ ḳhanjar se kaT gayā

'rahbar' batā ki kaun sī āḳhrī ghaḌī thī vo

jab merā haath ek gul-e-tar se kaT gayā

ye kya kiya ki waqt ke mehwar se kaT gaya

yani ana ki zid mein bhare ghar se kaT gaya

us ke nasib mein hai kahan kHushbu-e-iram

jo karbala mein sabt-e-payammbar se kaT gaya

tegh-o-sinan se nahin suniye janab ji

apna gala to pyar ke KHanjar se kaT gaya

manzil use milegi bhala kis tarah suno

jo darmiyan-e-rah mein 'rahbar' se kaT gaya

main to shikar un ki nigah-e-naz ka hua

ye kis ne kah diya ki main KHanjar se kaT gaya

'rahbar' bata ki kaun si aaKHri ghaDi thi wo

jab mera hath ek gul-e-tar se kaT gaya