hum to tauhid ki hujjat bhi juda kahte hain

ham to tauhīd kī hujjat bhī judā kahte haiñ

ḳhāliq-e-husn-e-mohammad ko ḳhudā kahte haiñ

‘arsa-e-hijr ko ayyām-e-fanā kahte haiñ

vasl-e-sarkār-e-do-'ālam ko baqā kahte haiñ

taktī rahtī hai ijābat lab yūñhī har dam

rad nahīñ hotī jo mahbūb-e-ḳhudā kahte haiñ

ishq-e-taiba to muqaddar hai hamārā lekin

dekh lene ko sabhī ḳhaas atā kahte haiñ

maiñ kahāñ aur kahāñ na.at-e-rasūl-e-akram

jab karam hotā hai phir harf sanā kahte haiñ

mustafā kā jo nahīñ vo to ḳhudā kā bhī nahīñ

tai-shuda amar hai 'haidar' ba-ḳhudā kahte haiñ

hum to tauhid ki hujjat bhi juda kahte hain

KHaliq-e-husn-e-mohammad ko KHuda kahte hain

‘arsa-e-hijr ko ayyam-e-fana kahte hain

wasl-e-sarkar-e-do-'alam ko baqa kahte hain

takti rahti hai ijabat lab yunhi har dam

rad nahin hoti jo mahbub-e-KHuda kahte hain

ishq-e-taiba to muqaddar hai hamara lekin

dekh lene ko sabhi KHas ata kahte hain

main kahan aur kahan nat-e-rasul-e-akram

jab karam hota hai phir harf sana kahte hain

mustafa ka jo nahin wo to KHuda ka bhi nahin

tai-shuda amar hai 'haidar' ba-KHuda kahte hain