teri ulfat mein pesh aai musibat apni haalat ko

tirī ulfat meñ pesh aa.ī musībat apnī hālat ko

jigar ko dil ko jaañ ko ruuh ko nazroñ ko qismat ko

kiyā bālā-e-tāq us husn kī qātil nigāhoñ ne

sipar ko teġh ko neze ko lashkar ko shujā.at ko

milegā jo mirā qātil to maiñ fursat se dekhūñgā

nigah ko naaz ko andāz ko paikar ko qāmat ko

sarāpā āfat-e-dil to qad-o-qāmat se ho ḳhatra

ḳhirad ko hosh ko fahm-o-zakā 'aql-o-zehānat ko

bulandī koī kyā jaane ke jis pe rashk aatā hai

falak ko chāñd ko tāroñ ko shahbāzoñ ko rif.at ko

kiyā allāh ne jānāñ faqat tere liye paidā

zamīñ ko āsmāñ ko ḳhushk-o-tar ko saarī ḳhilqat ko

'razī' kuchh bhī nahīñ un ke tasavvur hī ne jumbish dī

qalam ko harf ko mazmūn ko ḳhat-o-kitābat ko

teri ulfat mein pesh aai musibat apni haalat ko

jigar ko dil ko jaan ko ruh ko nazron ko qismat ko

kiya baala-e-taq us husn ki qatil nigahon ne

sipar ko tegh ko neze ko lashkar ko shujaat ko

milega jo mera qatil to main fursat se dekhunga

nigah ko naz ko andaz ko paikar ko qamat ko

sarapa aafat-e-dil to qad-o-qamat se ho KHatra

KHirad ko hosh ko fahm-o-zaka 'aql-o-zehanat ko

bulandi koi kya jaane ke jis pe rashk aata hai

falak ko chand ko taron ko shahbazon ko rifat ko

kiya allah ne jaanan faqat tere liye paida

zamin ko aasman ko KHushk-o-tar ko sari KHilqat ko

'razi' kuchh bhi nahin un ke tasawwur hi ne jumbish di

qalam ko harf ko mazmun ko KHat-o-kitabat ko