rind qane mutawaze hai KHuda deta hai

riñd qaane mutavāze hai ḳhudā detā hai

jab vo paatā hai to piitā hai pilā detā hai

vus.at-e-dil meñ hai us kī ye farāvānī-e-lutf

mai ke dariyā mare sahrā meñ bahā detā hai

meñ sū-e-tūr kalīm ab jo kabhī jaatā huuñ

koī dil par mere bijlī sī girā detā hai

yād-e-mai aa.ī mujhe aur sunā duuñ ik sher

kaif-e-mai se jo mujhe lutf sivā detā hai

bai.at-e-pīr-e-muġhāñ kī hai jo tauba kar ke

yahī paanī mai-e-gulgūñ kā maza detā hai

sadr-e-ā.zam-e-sho.arā ko jo silā detā hai

shaah ke sadqe meñ dekhūñ mujhe kyā detā hai

jūd-e-shah-e-zail meñ ho darj ki jibrīl kahīñ

koī shā.ir ye gadā hai jo sadā detā hai

qudrat-e-haq kā karishma hai saḳhāvat shah kī

jis ko denā hai muqaddar se sivā detā hai

vo ḳhudā.ī ke luTā.e jo ḳhazāne kam hai

miir usmān-alī ḳhaan ko ḳhudā detā hai

vo to vo shaad jise sadr banāyā shah ne

jab vo detā hai so us se bhī sivā detā hai

meñ balā-nosh huuñ pī jā۔ūñ jo dariyā pāūñ

mujhe ghar baiThe mai-e-hosh-rubā detā hai

qadar-dāñ aaj zamāne meñ dakan hai varna

kaun ab kis ko zamāne meñ silā detā hai

shaad ke naam se har rañj-o-ḳhushī ho ke 'riyāz'

sadr-e-āzam ko shab-o-roz duā detā hai

rind qane mutawaze hai KHuda deta hai

jab wo pata hai to pita hai pila deta hai

wusat-e-dil mein hai us ki ye farawani-e-lutf

mai ke dariya mare sahra mein baha deta hai

mein su-e-tur kalim ab jo kabhi jata hun

koi dil par mere bijli si gira deta hai

yaad-e-mai aai mujhe aur suna dun ek sher

kaif-e-mai se jo mujhe lutf siwa deta hai

baiat-e-pir-e-mughan ki hai jo tauba kar ke

yahi pani mai-e-gulgun ka maza deta hai

sadr-e-azam-e-shoara ko jo sila deta hai

shah ke sadqe mein dekhun mujhe kya deta hai

jud-e-shah-e-zail mein ho darj ki jibril kahin

koi shair ye gada hai jo sada deta hai

qudrat-e-haq ka karishma hai saKHawat shah ki

jis ko dena hai muqaddar se siwa deta hai

wo KHudai ke luTae jo KHazane kam hai

mir usman-ali KHan ko KHuda deta hai

wo to wo shad jise sadr banaya shah ne

jab wo deta hai so us se bhi siwa deta hai

mein bala-nosh hun pi ja۔un jo dariya paun

mujhe ghar baiThe mai-e-hosh-ruba deta hai

qadar-dan aaj zamane mein dakan hai warna

kaun ab kis ko zamane mein sila deta hai

shad ke nam se har ranj-o-KHushi ho ke 'riyaz'

sadr-e-azam ko shab-o-roz dua deta hai