wafa ki raushni pate to aate

vafā kī raushnī paate to aate

charāġh-e-dil jo jal jaate to aate

ik un kī zaat se sachchī mohabbat

miyāñ jo aap farmāte to aate

tumhār 'ishq meñ ik roz ham the

sar-e-bāzār bik jaate to aate

fanā karne ko tum par apnī hastī

tah-e-shamshīr aa jaate to aate

kahāñ daur-e-ḳhizāñ meñ un kī aamad

jo mausam phuul barsāte to aate

ġharaz ham ko zamāne se nahīñ hai

ishāra aap kā paate to aate

bulānā chāhte the un ko 'ālam'

jo qasdan aap gir jaate to aate

wafa ki raushni pate to aate

charagh-e-dil jo jal jate to aate

ek un ki zat se sachchi mohabbat

miyan jo aap farmate to aate

tumhaar 'ishq mein ek roz hum the

sar-e-bazar bik jate to aate

fana karne ko tum par apni hasti

tah-e-shamshir aa jate to aate

kahan daur-e-KHizan mein un ki aamad

jo mausam phul barsate to aate

gharaz hum ko zamane se nahin hai

ishaara aap ka pate to aate

bulana chahte the un ko 'alam'

jo qasdan aap gir jate to aate