rah-e-hayat kaTi is tarah ki uTh Th kar

rah-e-hayāt kaTī is tarah ki uTh Th kar

maiñ baiTh baiTh gayā gard-e-kārvāñ kī tarah

hameñ hai ghar se ta.alluq ab is qadar baaqī

kabhī jo aa.e to do-din ko mehmāñ kī tarah

sharīk-e-dard to kyā bā.is-e-aziyyat haiñ

vo log jin se ravābit the jism-o-jāñ kī tarah

'riyāz' maut hai is shart se hameñ manzūr

zamīñ satā.e na marne pe āsmāñ kī tarah

rah-e-hayat kaTi is tarah ki uTh Th kar

main baiTh baiTh gaya gard-e-karwan ki tarah

hamein hai ghar se talluq ab is qadar baqi

kabhi jo aae to do-din ko mehman ki tarah

sharik-e-dard to kya bais-e-aziyyat hain

wo log jin se rawabit the jism-o-jaan ki tarah

'riyaz' maut hai is shart se hamein manzur

zamin satae na marne pe aasman ki tarah