aab ziyaada kis mein hai chashmak baham hoti hai

aab ziyāda kis meñ hai chashmak bāham hotī hai

merī aañkh meñ aañsū hai tere kaan meñ motī hai

sham.a fasurda bujhtī hai suunī mahfil hotī hai

hasrat baiThī dil meñ ab jaañ ko mere rotī hai

motī sī vo aab kahāñ aañsū kaalā motī hai

shāyad merī hijr kī shab muñh kī syāhī hotī hai

merī aañkh kā taarā hai aañsū merī qismat kā

qismat ko maiñ rotā huuñ qismat mujh ko rotī hai

zaḳhm-e-jigar kī baḳhiya-garī ab hai mizha kī sozan se

haq meñ hamāre baḌh baḌh kar aur ye kāñTe botī hai

sāhil tah se duur sivā tah sāhil se duur sivā

qismat qa.ar-e-samundar meñ kashtī aaj Dubotī hai

dil par naqsh-e-mehr-o-vafā do-din kī to baat nahīñ

koī bhī ho dil meñ jagah hote hote hotī hai

ka.abe aa kar shaiḳh-e-haram naam na le phir jaane kā

aao bhagat mai-ḳhāne meñ zāhid itnī hotī hai

jaan chhuḌānā mushkil hai zālim aaj qayāmat ko

terī chaal ke fitnoñ ne kaisī aafat jotī hai

pī pī kar maiñ rotā huuñ ro ro kar maiñ piitā huuñ

daaġh jo koī paḌtā hai tauba dāman dhotī hai

pur-ḳham zulf ko saudā hai bal kam hote jaate haiñ

ab dil le le kar kuchh aur girah se khotī hai

haath par apne haath dhare hashr ke din chup baiThā huuñ

ashk-e-nadāmat umañDe haiñ tauba dāman dhotī hai

had se baḌhī tāsīr-e-junūñ sar-tā-pā tasvīr-e-junūñ

shakl-e-'riyāz' ab dekheñ kyā dekh ke vahshat hotī hai

aab ziyaada kis mein hai chashmak baham hoti hai

meri aankh mein aansu hai tere kan mein moti hai

shama fasurda bujhti hai suni mahfil hoti hai

hasrat baiThi dil mein ab jaan ko mere roti hai

moti si wo aab kahan aansu kala moti hai

shayad meri hijr ki shab munh ki syahi hoti hai

meri aankh ka tara hai aansu meri qismat ka

qismat ko main rota hun qismat mujh ko roti hai

zaKHm-e-jigar ki baKHiya-gari ab hai mizha ki sozan se

haq mein hamare baDh baDh kar aur ye kanTe boti hai

sahil tah se dur siwa tah sahil se dur siwa

qismat qar-e-samundar mein kashti aaj Duboti hai

dil par naqsh-e-mehr-o-wafa do-din ki to baat nahin

koi bhi ho dil mein jagah hote hote hoti hai

kabe aa kar shaiKH-e-haram nam na le phir jaane ka

aao bhagat mai-KHane mein zahid itni hoti hai

jaan chhuDana mushkil hai zalim aaj qayamat ko

teri chaal ke fitnon ne kaisi aafat joti hai

pi pi kar main rota hun ro ro kar main pita hun

dagh jo koi paDta hai tauba daman dhoti hai

pur-KHam zulf ko sauda hai bal kam hote jate hain

ab dil le le kar kuchh aur girah se khoti hai

hath par apne hath dhare hashr ke din chup baiTha hun

ashk-e-nadamat umanDe hain tauba daman dhoti hai

had se baDhi tasir-e-junun sar-ta-pa taswir-e-junun

shakl-e-'riyaz' ab dekhen kya dekh ke wahshat hoti hai