sharab-e-nab se saqi jo hum wuzu karte

sharāb-e-nāb se saaqī jo ham vuzū karte

haram ke log tavāf-e-ḳhum-o-subū karte

vo mal ke dast-e-hinā.ī se dil lahū karte

ham aarzū ko hasīñ ḳhūn-e-ārzū karte

bahut hī kho.e hue ham yahāñ rahe afsos

vo be-nishān thā apnī hī justujū karte

utaar lete unheñ bām-e-tūr se dil meñ

ham iḳhtiyār vo andāz-e-guftugū karte

mah-e-siyām meñ mauqa jo ham ko mil jaatā

ham ek saañs meñ ḳhālī ḳhum-o-subū karte

kahāñ kahāñ na hue gum talāsh meñ terī

kahāñ kahāñ na phire terī justujū karte

na aane paa.e hinā.ī hamāre phūloñ meñ

ye phuul ḳhaak tamannā-e-rañg-o-bū karte

'riyāz' kausar-o-tasnīm sab vahīñ hote

jo pī ke ham sar-e-zamzam kabhī vuzū karte

sharab-e-nab se saqi jo hum wuzu karte

haram ke log tawaf-e-KHum-o-subu karte

wo mal ke dast-e-hinai se dil lahu karte

hum aarzu ko hasin KHun-e-arzu karte

bahut hi khoe hue hum yahan rahe afsos

wo be-nishan tha apni hi justuju karte

utar lete unhen baam-e-tur se dil mein

hum iKHtiyar wo andaz-e-guftugu karte

mah-e-siyam mein mauqa jo hum ko mil jata

hum ek sans mein KHali KHum-o-subu karte

kahan kahan na hue gum talash mein teri

kahan kahan na phire teri justuju karte

na aane pae hinai hamare phulon mein

ye phul KHak tamanna-e-rang-o-bu karte

'riyaz' kausar-o-tasnim sab wahin hote

jo pi ke hum sar-e-zamzam kabhi wuzu karte