namaz bhi wahin paDhte hain wahin wuzu karte

namāz bhī vahīñ paḌhte haiñ vahīñ vuzū karte

shikār bhī bat-e-mai ke kināre jo karte

kalīm baat baḌhāte na guftugū karte

lab-e-ḳhāmosh se iz.hār-e-ārzū karte

hasīn bhī huuñ ḳhush-āvāz bhī farishta-e-qabr

kaTī hai umr hasīnoñ se guftugū karte

hamārī phuul kā sāġhar agar ye gul bante

to aur rañg se iz.hār-e-rañg-o-bū karte

girāte yūñhī sar-e-tūr bijliyāñ ham par

agar hijāb thā parde se guftugū karte

ye dāġh-e-mai haiñ baḌe phailte haiñ sar-e-dāman

jo āb-e-zamzam-o-kausar se shust-o-shū karte

hameñ ḳhudā ke sivā kuchh nazar nahīñ aatā

nikal ga.e haiñ bahut duur justujū karte

ba-qadr-e-zarf-e-vuzū mai jo miltī paanī se

siyāh-rū bhī dam-e-hashr shust-o-shū karte

na thā shabāb kamar meñ 'riyāz' zar hotā

to din buḌhāpe ke bhī nazr-e-lucknow karte

namaz bhi wahin paDhte hain wahin wuzu karte

shikar bhi bat-e-mai ke kinare jo karte

kalim baat baDhate na guftugu karte

lab-e-KHamosh se izhaar-e-arzu karte

hasin bhi hun KHush-awaz bhi farishta-e-qabr

kaTi hai umr hasinon se guftugu karte

hamari phul ka saghar agar ye gul bante

to aur rang se izhaar-e-rang-o-bu karte

giraate yunhi sar-e-tur bijliyan hum par

agar hijab tha parde se guftugu karte

ye dagh-e-mai hain baDe phailte hain sar-e-daman

jo aab-e-zamzam-o-kausar se shust-o-shu karte

hamein KHuda ke siwa kuchh nazar nahin aata

nikal gae hain bahut dur justuju karte

ba-qadr-e-zarf-e-wuzu mai jo milti pani se

siyah-ru bhi dam-e-hashr shust-o-shu karte

na tha shabab kamar mein 'riyaz' zar hota

to din buDhape ke bhi nazr-e-lucknow karte