jab na tab karata hai humse tazkira baala-e-hosh

jab na tab karatā hai ham se tazkira bālā-e-hosh

aap aa jaa.eñ kisī din muñh ke bal gir jaa.e hosh

'ain mastī meñ kisī din gar ḳhudā na kHvāsta

dekh le jo aap ko to hosh meñ aa jaa.e hosh

de rahā hai daras ham ko vo kushāda zarf kā

ek qatra pī ke jo qaabū meñ na rakh paa.e hosh

naaz kartī phir rahī hai bhuul merī bhuul par

aap ke dīdār meñ ham josh meñ chhoḌ aa.e hosh

is liye masjid se aatī hai sadā-e-assalāt

hosh ko behoshiyoñ kā kaash kuchh aa jaa.e hosh

sar paTaktī phir rahī hai dekhiye dīvāngī

raah meñ baiThā huā hai kaun ye bikhrā.e hosh

khā ke Thokar hosh meñ aanā 'hakīmī' kis liye

baat tab hai jab banā Thokar hī khaa.e aa.e hosh

jab na tab karata hai hum se tazkira baala-e-hosh

aap aa jaen kisi din munh ke bal gir jae hosh

'ain masti mein kisi din gar KHuda na kHwasta

dekh le jo aap ko to hosh mein aa jae hosh

de raha hai daras hum ko wo kushada zarf ka

ek qatra pi ke jo qabu mein na rakh pae hosh

naz karti phir rahi hai bhul meri bhul par

aap ke didar mein hum josh mein chhoD aae hosh

is liye masjid se aati hai sada-e-assalat

hosh ko behoshiyon ka kash kuchh aa jae hosh

sar paTakti phir rahi hai dekhiye diwangi

rah mein baiTha hua hai kaun ye bikhrae hosh

kha ke Thokar hosh mein aana 'hakimi' kis liye

baat tab hai jab bana Thokar hi khae aae hosh