mujh par dam surat qurani kiye dete hain

mujh par dam sūrat qur.ānī kiye dete haiñ

merī sīrat ko vo rahmānī kiye dete haiñ

be-jhijhak aañkh se vo dil meñ utar kar tan meñ

aap ḳhud apnī hī man-mānī kiye dete haiñ

marhabā farsh pe darbār hai terā lekin

'arsh vaale tirī darbānī kiye dete haiñ

chal paḌā samt-e-fanā se maiñ baqā kī jānib

jab kahā yaar ne nigarānī kiye dete haiñ

hosh vāloñ ne kahā kaun haiñ roko ye to

saarī duniyā ko hī dīvānī kiye dete haiñ

dekhnā aap ko rūhānī ġhizā hai merī

shukriya aap farāvānī kiye dete haiñ

kyā ġharaz chāragaroñ kī ai 'hakīmī' tujh ko

dard hī dard kī darmānī kiye dete haiñ

mujh par dam surat qurani kiye dete hain

meri sirat ko wo rahmani kiye dete hain

be-jhijhak aankh se wo dil mein utar kar tan mein

aap KHud apni hi man-mani kiye dete hain

marhaba farsh pe darbar hai tera lekin

'arsh wale teri darbani kiye dete hain

chal paDa samt-e-fana se main baqa ki jaanib

jab kaha yar ne nigarani kiye dete hain

hosh walon ne kaha kaun hain roko ye to

sari duniya ko hi diwani kiye dete hain

dekhna aap ko ruhani ghiza hai meri

shukriya aap farawani kiye dete hain

kya gharaz chaaragaron ki ai 'hakimi' tujh ko

dard hi dard ki darmani kiye dete hain