ro ro ke zar-zar ye kahta hai jaan-e-abr

ro ro ke zār-zār ye kahtā hai jān-e-abr

ho chashm-e-ashk-bār pe ye sā.ebān-e-abr

tāsha-nashīñ meñ chashm kī aave na koī ġhair

baiThā gulāl-e-bāḌ pe hai dārbān-e-abr

duniyā meñ gul-zamīñ nahīñ baaqī sivā-e-gul

aañsū ke aage sabz na hove fuġhān-e-abr

tūfān ashk-e-surḳh kā dekhā nahīñ abhī

gir jaa.e misl-e-barq vagarna ye shān-e-abr

rahmat meñ ġharq kyuuñ ke gunahgār ye na hoñ

mai-ḳhvār is chaman ke haiñ sab mehmān-e-abr

sailāb 'ishq' rone kā tere huā buland

kyuuñ kar na hove past jahāñ meñ nishān-e-abr

ro ro ke zar-zar ye kahta hai jaan-e-abr

ho chashm-e-ashk-bar pe ye saeban-e-abr

tasha-nashin mein chashm ki aawe na koi ghair

baiTha gulal-e-baD pe hai darban-e-abr

duniya mein gul-zamin nahin baqi siwa-e-gul

aansu ke aage sabz na howe fughan-e-abr

tufan ashk-e-surKH ka dekha nahin abhi

gir jae misl-e-barq wagarna ye shan-e-abr

rahmat mein gharq kyun ke gunahgar ye na hon

mai-KHwar is chaman ke hain sab mehman-e-abr

sailab 'ishq' rone ka tere hua buland

kyun kar na howe past jahan mein nishan-e-abr