sans aata rahe sans jata rahe

saañs aatā rahe saañs jaatā rahe

dard uTh uTh ke dil ko biThātā rahe

umr guzre isī kashmakash meñ mirī

ġham satātā rahe ḳhuuñ rulātā rahe

bād-e-rahmat madīna se chaltī rahe

ġhuncha-e-ārzū muskurātā rahe

maiñ hama-vaqt mahv-e-nazāra huuñ

tu sar-e-bām jalva dikhātā rahe

ham-safar na koī aur na rāhbar

ishq ḳhud rāh-e-taiba dikhātā rahe

parde parde meñ piitā rahūñ jām-e-mai

āñkhoñ āñkhoñ meñ koī pilātā rahe

barq girtī rahe jaan jaltī rahe

qalb sadmoñ pe sadme uThātā rahe

zikr-e-mīlād hotā rahe dahr meñ

ahl-e-mahfil pe rahmat barastī rahe

fikr duniyā kī koī na 'hāmid' ko ho

naġhme tere sadā gungunātā rahe

sans aata rahe sans jata rahe

dard uTh uTh ke dil ko biThata rahe

umr guzre isi kashmakash mein meri

gham satata rahe KHun rulata rahe

baad-e-rahmat madina se chalti rahe

ghuncha-e-arzu muskuraata rahe

main hama-waqt mahw-e-nazara hun

tu sar-e-baam jalwa dikhata rahe

ham-safar na koi aur na rahbar

ishq KHud rah-e-taiba dikhata rahe

parde parde mein pita rahun jam-e-mai

aankhon aankhon mein koi pilata rahe

barq girti rahe jaan jalti rahe

qalb sadmon pe sadme uThata rahe

zikr-e-milad hota rahe dahr mein

ahl-e-mahfil pe rahmat barasti rahe

fikr duniya ki koi na 'hamid' ko ho

naghme tere sada gungunata rahe