KHud ko har waqt batata hun tumhaara apna

ḳhud ko har vaqt batātā huuñ tumhārā apnā

kyā kabhī tum ne mujhe kah ke pukārā apnā

mujh ko aayā na muyassar jo kabhī rizq-e-halāl

hañs ke fāqoñ pe hī kar lūñgā guzārā apnā

dil ye be-tāb huā jaatā hai be-had ab to

rok de vaa'z ai vaa.iz tū ḳhudā-rā apnā

dil-e-ḳhud sar kī har ek baat kī kar ke tā.īd

maiñ ne karvā liyā be-kār ḳhasāra apnā

us kī dahlīz se ye kah ke maiñ lauT aayā huuñ

ruḳh nahīñ hogā terī samt dobāra apnā

paal kar rog mohabbat kā ai 'nāzāñ' hargiz

haal karnā na mire jaisā ḳhudā-rā apnā

KHud ko har waqt batata hun tumhaara apna

kya kabhi tum ne mujhe kah ke pukara apna

mujh ko aaya na muyassar jo kabhi rizq-e-halal

hans ke faqon pe hi kar lunga guzara apna

dil ye be-tab hua jata hai be-had ab to

rok de wa'z ai waiz tu KHuda-ra apna

dil-e-KHud sar ki har ek baat ki kar ke taid

main ne karwa liya be-kar KHasara apna

us ki dahliz se ye kah ke main lauT aaya hun

ruKH nahin hoga teri samt dobara apna

pal kar rog mohabbat ka ai 'nazan' hargiz

haal karna na mere jaisa KHuda-ra apna