agarche hai tu dard mein mubtala kHub

agarche hai tū dard meñ mubtalā kHuub

zamāne ke aage magar muskurā ḳhuub

mirī be-qarārī pe khaao taras ab

vagarna mujhe do mirī jaañ sazā ḳhuub

maiñ qurbān qudrat kī kārīgarī par

ki jis ne banāyā tujhe ḳhush-numā kHuub

maiñ terā davā na huuñ jām-e-mohabbat

ai saaqī un āñkhoñ se mujh ko pilā ḳhuub

ye bād-e-muḳhālif to chaltī rahegī

jalā tū charāġh-e-mohabbat jalā ḳhuub

hifāzat karegā ḳhudā har balā se

mirī maañ kī mere liye hai du'ā ḳhuub

raqam maiñ ne kī aisī ik nazm-e-ulfat

paḌhā jis ne nāzāñ machal kar kahā ḳhuub

agarche hai tu dard mein mubtala kHub

zamane ke aage magar muskura KHub

meri be-qarari pe khao taras ab

wagarna mujhe do meri jaan saza KHub

main qurban qudrat ki karigari par

ki jis ne banaya tujhe KHush-numa kHub

main tera dawa na hun jam-e-mohabbat

ai saqi un aankhon se mujh ko pila KHub

ye baad-e-muKHalif to chalti rahegi

jala tu charagh-e-mohabbat jala KHub

hifazat karega KHuda har bala se

meri man ki mere liye hai du'a KHub

raqam main ne ki aisi ek nazm-e-ulfat

paDha jis ne nazan machal kar kaha KHub