اگر چہ ہے تو درد میں مبتلا خوب

اگر چہ ہے تو درد میں مبتلا خوب

زمانے کے آگے مگر مسکرا خوب

مری بے قراری پہ کھاؤ ترس اب

وگرنہ مجھے دو مری جاں سزا خوب

میں قربان قدرت کی کاری گری پر

کہ جس نے بنایا تجھے خوش نما خوب

میں تیرا دوا نہ ہوں جام محبت

اے ساقی ان آنکھوں سے مجھ کو پلا خوب

یہ باد مخالف تو چلتی رہے گی

جلا تو چراغ محبت جلا خوب

حفاظت کرے گا خدا ہر بلا سے

مری ماں کی میرے لیے ہے دعا خوب

رقم میں نے کی ایسی اک نظم الفت

پڑھا جس نے نازاںؔ مچل کر کہا خوب