har su shohra kyun na ho mera bahut

har sū shohra kyuuñ na ho merā bahut

haq kā karatā rahtā huuñ charchā bahut

so.e rahnā hai añdherī qabr meñ

āḳhirat kā hai safar lambā bahut

manzileñ milnī thiiñ jo mil kar rahīñ

rokā duniyā vāloñ ne rasta bahut

kyā kabhī us ne hañsāyā aap ko

jis kī ḳhātir aap ne royā bahut

ik jhalak dekhā tujhe phir us ke baa'd

dekhne ko tarsā har lamha bahut

duur rah kar paas rahtā huuñ tire

tujh se merā rishta hai gahrā bahut

us ne hī kuchh qadr merī kī nahīñ

maiñ ne to 'nāzāñ' use chāhā bahut

har su shohra kyun na ho mera bahut

haq ka karata rahta hun charcha bahut

soe rahna hai andheri qabr mein

aaKHirat ka hai safar lamba bahut

manzilen milni thin jo mil kar rahin

roka duniya walon ne rasta bahut

kya kabhi us ne hansaya aap ko

jis ki KHatir aap ne roya bahut

ek jhalak dekha tujhe phir us ke ba'd

dekhne ko tarsa har lamha bahut

dur rah kar pas rahta hun tere

tujh se mera rishta hai gahra bahut

us ne hi kuchh qadr meri ki nahin

main ne to 'nazan' use chaha bahut