ہر سو شہرہ کیوں نہ ہو میرا بہت

ہر سو شہرہ کیوں نہ ہو میرا بہت

حق کا کرتا رہتا ہوں چرچا بہت

سوئے رہنا ہے اندھیری قبر میں

آخرت کا ہے سفر لمبا بہت

منزلیں ملنی تھیں جو مل کر رہیں

روکا دنیا والوں نے رستہ بہت

کیا کبھی اس نے ہنسایا آپ کو

جس کی خاطر آپ نے رویا بہت

اک جھلک دیکھا تجھے پھر اس کے بعد

دیکھنے کو ترسا ہر لمحہ بہت

دور رہ کر پاس رہتا ہوں ترے

تجھ سے میرا رشتہ ہے گہرا بہت

اس نے ہی کچھ قدر میری کی نہیں

میں نے تو نازاںؔ اسے چاہا بہت