dil na Thahrega to mar jaunga main dil ke liye

dil na Thahregā to mar jā.ūñgā maiñ dil ke liye

aap mushkil meñ na paḌiye mirī mushkil ke liye

un kā sañg-e-āstāñ pākar bhalā jā۔ūñ kahāñ

āḳhirī patthar hai ye bas merī manzil ke liye

zindagī thī maut kā sāmān thī yā maut thī

aap kī pahlī nazar kyā thī mere dil ke liye

vaah vā ai zor-e-tūfān-e-havādis vaah vā

ham bhañvar ke vāste ḳhāshāk sāhil ke liye

aaj chamkā hai sitāra tālibān-e-dīd kā

aap kyā nikle haiñ sair-e-māh-e-kāmil ke liye

mujh se koī husn kī tā'rīf pūchhe to kahūñ

nuur āñkhoñ ke liye hai aarzū dil ke liye

banda banñā chāhtā huuñ aur banda huuñ 'safī'

kar rahā huuñ koshisheñ tahsīl-e-hāsil ke liye

dil na Thahrega to mar jaunga main dil ke liye

aap mushkil mein na paDiye meri mushkil ke liye

un ka sang-e-astan pakar bhala ja۔un kahan

aaKHiri patthar hai ye bas meri manzil ke liye

zindagi thi maut ka saman thi ya maut thi

aap ki pahli nazar kya thi mere dil ke liye

wah wa ai zor-e-tufan-e-hawadis wah wa

hum bhanwar ke waste KHashak sahil ke liye

aaj chamka hai sitara taliban-e-did ka

aap kya nikle hain sair-e-mah-e-kaamil ke liye

mujh se koi husn ki ta'rif puchhe to kahun

nur aankhon ke liye hai aarzu dil ke liye

banda banna chahta hun aur banda hun 'safi'

kar raha hun koshishen tahsil-e-hasil ke liye