shaklon ke iKHtilaf se dhoka na khaiye

shakloñ ke iḳhtilāf se dhokā na khā.iye

vo jis libās meñ bhī ho pahchān jāniye

mujh meñ samā ke mujh meñ hī rū-posh ho ga.e

us dard-e-dil-e-fareb pe qurbān jā.iye

kis kā visāl kaisī talab kaisī aarzū

sab kuchh yahī hai ḳhud ko agar bhuul jā.iye

terā ḳhayāl terā karam terā āstāñ

dīvāne nigār-e-'ishq ko kyā aur chāhiye

maqsūd-e-do-jahāñ hai faqat terā chāhnā

chāhiye jo tū hameñ to aur kyā chāhiye

rah jaa.e merī baat bhī parda bhī aap kā

aanā hai aap ne to tasavvur meñ aa.iye

dekhā uThā ki aañkh yuuñ gir paḌe the kalīm

guzrī thī kyā janāb par tujh ko batā.iye

'sājid' samajh meñ aa.egā tab vahdat-ul-vujūd

pahle ḳhayāl-e-ġhair ko dil se miTā.iye

shaklon ke iKHtilaf se dhoka na khaiye

wo jis libas mein bhi ho pahchan jaaniye

mujh mein sama ke mujh mein hi ru-posh ho gae

us dard-e-dil-e-fareb pe qurban jaiye

kis ka visal kaisi talab kaisi aarzu

sab kuchh yahi hai KHud ko agar bhul jaiye

tera KHayal tera karam tera aastan

diwane nigar-e-'ishq ko kya aur chahiye

maqsud-e-do-jahan hai faqat tera chahna

chahiye jo tu hamein to aur kya chahiye

rah jae meri baat bhi parda bhi aap ka

aana hai aap ne to tasawwur mein aaiye

dekha uTha ki aankh yun gir paDe the kalim

guzri thi kya janab par tujh ko bataiye

'sajid' samajh mein aaega tab wahdat-ul-wujud

pahle KHayal-e-ghair ko dil se miTaiye