Sufinama

ishq mein is shoala-ru ke aise be-KHud ho gae

Sanjar Ghazipuri

ishq mein is shoala-ru ke aise be-KHud ho gae

Sanjar Ghazipuri

MORE BYSanjar Ghazipuri

    ishq meñ is sho.ala-rū ke aise be-ḳhud ho ga.e

    aap bhī aane na paa.e the āḳhir kho ga.e

    aah us parda-nashīñ justujū meñ jo ga.e

    kuchh pata paayā na us ḳhud kar kho ga.e

    Duub kar bahr-e-mohabbat se nikalnā hai muhāl

    ek ġhota meñ goyā lāpata ham ho ga.e

    aish-o-ishrat fikr-e-duniyā ranj-o-ġham aur be-kasī

    koī saath aayā na jis dam qabr meñ ham so ga.e

    apnī hastī ko miTāne milā phal ba.ad-e-marg

    haT gayā parda duī ek vo ham ho ga.e

    ham ne jab jaisā kiyā vaisā sila hāsil huā

    phal vahī ham ko milā jaisā yahāñ phal bo ga.e

    nek-o-bad do amal jaate haiñ dam ke saath saath

    qabr meñ shāmil mere ye ban ke rahbar do ga.e

    dahr-e-fānī meñ hañsī kaisī ḳhushī kyā chiiz hai

    rone aa.e the yahāñ do-chār din ko ro ga.e

    paak ai 'sanjar' hue duniyā ke sab jhagḌoñ se aaj

    qabr meñ ba.ad-e-fanā ārām se ham so ga.e

    ishq mein is shoala-ru ke aise be-KHud ho gae

    aap bhi aane na pae the ki aaKHir kho gae

    aah us parda-nashin ki justuju mein jo gae

    kuchh pata paya na us ka KHud hi ja kar kho gae

    Dub kar bahr-e-mohabbat se nikalna hai muhaal

    ek hi ghota mein goya lapata hum ho gae

    aish-o-ishrat fikr-e-duniya ranj-o-gham aur be-kasi

    koi sath aaya na jis dam qabr mein hum so gae

    apnī hasti ko miTane ka mila phal baad-e-marg

    haT gaya parda dui ka ek wo hum ho gae

    hum ne jab jaisa kiya waisa sila hasil hua

    phal wahi hum ko mila jaisa yahan phal bo gae

    nek-o-bad do hi amal jate hain dam ke sath sath

    qabr mein shamil mere ye ban ke rahbar do gae

    dahr-e-fani mein hansi kaisi KHushi kya chiz hai

    rone aae the yahan do-chaar din ko ro gae

    pak ai 'sanjar' hue duniya ke sab jhagDon se aaj

    qabr mein baad-e-fana aaram se hum so gae

    Source :
    • Book : Diwan-e-Sanjar Al-Maruf Guldasta-e-Kalam-e-Sanjar (Pg. 20)
    • Author : Sanjar Ghazipuri
    • Publication : Shaikh Ghulam Hsuain and Sons Tajiran-e-Kutub, Kashmiri Bazar, Lahaur
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now