Sufinama

buton ko jo pyar karte nahin hain

Sanjar Ghazipuri

buton ko jo pyar karte nahin hain

Sanjar Ghazipuri

MORE BYSanjar Ghazipuri

    butoñ ko jo pyaar karte nahīñ haiñ

    ki un ke koī taur achchhe nahīñ haiñ

    jo āshiq haiñ tere taḌapte nahīñ haiñ

    kabhī āh-o-nāle vo karte nahīñ haiñ

    nazar aate ho mujh ko har-sū tumhīñ tum

    mire dil pe ġhaflat ke parde nahīñ haiñ

    ye haiñ ḳhūn-e-bismil dhāreñ ai qātil

    tirī āñkhoñ meñ surḳh Dore nahīñ haiñ

    jise ishq-e-sādiq tumhārā hai ai jaañ

    bilakte nahīñ vo sisakte nahīñ haiñ

    nazar un pe terī hai lutf-e-karam

    terī raah se jo ki bahke nahīñ haiñ

    paḌe un ke dil par haiñ zulmat ke parde

    terī zaat ko jo samajhte nahīñ haiñ

    lagī aag ulfat hai jab se dil meñ

    sulagte haiñ aise ki jalte nahīñ haiñ

    na dushman hai apnā na koī adū hai

    tere ishaq meñ koī jhagḌe nahīñ haiñ

    baḌī shaan un baḌā martaba hai

    kuchh āshiq tere aise vaise nahīñ haiñ

    gire haiñ jo bahr-e-mohabbat meñ aa kar

    vo Duube haiñ aise ubharte nahīñ haiñ

    tire nā-tavāñ rāh-e-ulfat meñ ai jaañ

    sambhal kar jo jiite haiñ girte nahīñ haiñ

    ho duniyā meñ jis se terā naam 'sanjar'

    koī tere ash.ār aise nahīñ haiñ

    kabhī in butoñ ko na chāheñge 'sanjar'

    ki ham husn-e-fānī ke tarse nahīñ haiñ

    buton ko jo pyar karte nahin hain

    ki un ke koi taur achchhe nahin hain

    jo aashiq hain tere taDapte nahin hain

    kabhi aah-o-nale wo karte nahin hain

    nazar aate ho mujh ko har-su tumhin tum

    mere dil pe ghaflat ke parde nahin hain

    ye hain KHun-e-bismil ki dhaaren ai qatil

    teri aankhon mein surKH Dore nahin hain

    jise ishq-e-sadiq tumhaara hai ai jaan

    bilakte nahin wo sisakte nahin hain

    nazar un pe teri hai lutf-e-karam ki

    teri rah se jo ki bahke nahin hain

    paDe un ke dil par hain zulmat ke parde

    teri zat ko jo samajhte nahin hain

    lagi aag ulfat ki hai jab se dil mein

    sulagte hain aise ki jalte nahin hain

    na dushman hai apna na koi adu hai

    tere ishaq mein koi jhagDe nahin hain

    baDi shan un ki baDa martaba hai

    kuchh aashiq tere aise waise nahin hain

    gire hain jo bahr-e-mohabbat mein aa kar

    wo Dube hain aise ubharte nahin hain

    tere na-tawan rah-e-ulfat mein ai jaan

    sambhal kar jo jite hain girte nahin hain

    ho duniya mein jis se tera nam 'sanjar'

    koi tere ashaar aise nahin hain

    kabhi in buton ko na chahenge 'sanjar'

    ki hum husn-e-fani ke tarse nahin hain

    Source :
    • Book : Diwan-e-Sanjar Al-Maruf Guldasta-e-Kalam-e-Sanjar (Pg. 33)
    • Author : Sanjar Ghazipuri
    • Publication : Shaikh Ghulam Hsuain and Sons Tajiran-e-Kutub, Kashmiri Bazar, Lahaur
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY