zehn mein ek daira-sa ban gaya hai nur ka

zehn meñ ik dā.irā-sā ban gayā hai nuur kā

ibtidā-e-ishq meñ pahlā safar hai tuur kā

shar kā kaisā shāḳhsāna hai ḳhudā ke naam par

thī sadā alla kī hulqūm thā mansūr kā

naġhma-e-qumrī-o-bulbu ke fasāne haiñ bahut

kab kisī ne dard parkhā bhuul kar usfūr kā

garm-o-sad-e-zindagī aur ye vajūd-e-muḳhtasar

bā.is-e-taqlīd paayā hausla taifūr kā

raqs karte jhūmte dekhā giroh ablahāñ

kyā masarrat us meñ paa.ī shor hai nā-qūr kā

is jahāñ meñ ibtidā se aaj tak har daur meñ

juz mohammad kaun haamī hai bhalā mazdūr kā

haath ḳhālī be-sahārā jam.a kar le zād-e-rāh

sāqib-e-kHasta jigar aglā safar hai duur kā

zehn mein ek daira-sa ban gaya hai nur ka

ibtida-e-ishq mein pahla safar hai tur ka

shar ka kaisa shaKHsana hai KHuda ke nam par

thi sada alla ki hulqum tha mansur ka

naghma-e-qumri-o-bulbu ke fasane hain bahut

kab kisi ne dard parkha bhul kar usfur ka

garm-o-sad-e-zindagi aur ye wajud-e-muKHtasar

bais-e-taqlid paya hausla taifur ka

raqs karte jhumte dekha giroh ablahan

kya masarrat us mein pai shor hai na-qur ka

is jahan mein ibtida se aaj tak har daur mein

juz mohammad kaun hami hai bhala mazdur ka

hath KHali be-sahaara jama kar le zad-e-rah

saqib-e-kHasta jigar agla safar hai dur ka