sarak rahi hai uski chilman masha-allah masha-allah

sarak rahī hai us kī chilman māshā-allāh māshā-allāh

shāyad ab vo degā darshan māshā-allāh māshā-allāh

garaj rahā hai bādal ghan-ghan māshā-allāh māshā-allāh

bajtī hai us kī paa.el jhan-jhan māshā-allāh māshā-allāh

baras rahā hai pyaar kā sāvan māshā-allāh māshā-allāh

Dol rahā hai jis se tan-man māshā-allāh māshā-allāh

chaltā-phirtā hai mai-ḳhāna jis kī ye chashm-e-masatāna

us kī surāhī-dār hai gardan māshā-allāh māshā-allāh

apne hī husn pe jaise ho shaidā dekh rahā hai jalva-e-zebā

sāmne rakh kar apne darpan māshā-allāh māshā-allāh

mor kā raqs use nahīñ bhātā apnī chaal pe hai itrātā

naach na jaane TeḌhā āñgan māshā-allāh māshā-allāh

ġhuncha-o-gul kī hai ye zabāñ par sab hī fidā us sarv-e-ravāñ par

zikr hai us kā gulshan-gulshan māshā-allāh māshā-allāh

'barqī' hai jis kā dīvāna ho ke fidā misl-e-parvāna

maar na Daale us kī chitvan māshā-allāh māshā-allāh

sarak rahi hai us ki chilman masha-allah masha-allah

shayad ab wo dega darshan masha-allah masha-allah

garaj raha hai baadal ghan-ghan masha-allah masha-allah

bajti hai us ki pael jhan-jhan masha-allah masha-allah

baras raha hai pyar ka sawan masha-allah masha-allah

Dol raha hai jis se tan-man masha-allah masha-allah

chalta-phirta hai mai-KHana jis ki ye chashm-e-masatana

us ki surahi-dar hai gardan masha-allah masha-allah

apne hi husn pe jaise ho shaida dekh raha hai jalwa-e-zeba

samne rakh kar apne darpan masha-allah masha-allah

mor ka raqs use nahīñ bhata apni chaal pe hai itraata

nach na jaane TeDha aangan masha-allah masha-allah

ghuncha-o-gul ki hai ye zaban par sab hi fida us sarw-e-rawan par

zikr hai us ka gulshan-gulshan masha-allah masha-allah

'barqi' hai jis ka diwana ho ke fida misl-e-parwana

mar na Dale us ki chitwan masha-allah masha-allah