sarzamin-e-chisht ki aab-o-hawa kuchh aur hai

sarzamīn-e-chisht kī āb-o-havā kuchh aur hai

dīn-o-duniyā se nirālā aur hī kuchh taur hai

phir rahe haiñ har galī-kūcha meñ az ḳhud raftagāñ

ishq kī vaañ saltanat hai be-ḳhudī kā daur hai

koī shuġhl-e-nīstī meñ nīst-o-nābūd hai

koī nazzāra meñ haq ke ik tamāsha-tau hai

vo jo ik arse meñ hotā hai muyassar aur jaah

yāvarī se ishq kī hāsil yahāñ fil-faur hai

vo to almās-e-nagīñ haiñ yā ki haiñ durr-e-yamīñ

kāñch kī tū pot hai yā reza-e-billaur hai

sarzamin-e-chisht ki aab-o-hawa kuchh aur hai

din-o-duniya se nirala aur hi kuchh taur hai

phir rahe hain har gali-kucha mein az KHud raftagan

ishq ki wan saltanat hai be-KHudi ka daur hai

koi shughl-e-nisti mein nist-o-nabud hai

koi nazzara mein haq ke ek tamasha-tau hai

wo jo ek arse mein hota hai muyassar aur jah

yawari se ishq ki hasil yahan fil-faur hai

wo to almas-e-nagin hain ya ki hain durr-e-yamin

kanch ki tu pot hai ya reza-e-billaur hai