jase maal-e-tamasha par etibar rahe

jase ma.āl-e-tamāshā par e'tibār rahe

vo kyuuñ faraib-kash-e-jalva-e-bahār rahe

na hairatī na girāñ-bār-e-intezār rahe

nazar vo hai jo sharīk-e-jamāl-e-yār rahe

haqīqatan the hijāb-o-jamāl ham-ma.anī

vo jitne chhup ga.e utne hī āshkār rahe

ik aisā giit sunā kar ho mā.il-e-parvāz

chaman meñ phir tirī aamad kā intizār rahe

kisī se ham ko na thī duniyā meñ koī ummīd

magar kisī na kisī ke ummīd-vār rahe

Thahar sake na jab ik markaz-e-muayyan par

to kyā nigāh-e-tamāshā kā e'tibār rahe

ye ab ke josh-e-junūñ kā nayā taqāzā hai

ki bāġhbāñ na rahe baaġh meñ bahār rahe

rahe to a.alam-e-hastī meñ der tak 'sīmāb'

magar malāl rahā ki musta.ār rahe

jase maal-e-tamasha par e'tibar rahe

wo kyun faraib-kash-e-jalwa-e-bahaar rahe

na hairati na giran-bar-e-intezar rahe

nazar wo hai jo sharik-e-jamal-e-yar rahe

haqiqatan the hijab-o-jamal ham-mani

wo jitne chhup gae utne hi aashkar rahe

ek aisa git suna kar ho mail-e-parwaz

chaman mein phir teri aamad ka intizar rahe

kisi se hum ko na thi duniya mein koi ummid

magar kisi na kisi ke ummid-war rahe

Thahar sake na jab ek markaz-e-muayyan par

to kya nigah-e-tamasha ka e'tibar rahe

ye ab ke josh-e-junun ka naya taqaza hai

ki baghban na rahe bagh mein bahaar rahe

rahe to aalam-e-hasti mein der tak 'simab'

magar malal raha ki mustaar rahe