shab ki mahfil mein buton ki shama-ru jaanana tha

shab ki mahfil meñ butoñ kī sham.a-rū jānāna thā

'ishq kī parvāngī se dil mirā parvāna thā

ho gayā begāna aisā merī sūrat se vo shoḳh

mil gayā jo raah meñ kal āshnā goyā na thā

chāk-chāk az bas huā dil ḳhanjar-e-ġham se bahut

kal jo dekhā us kī zulfoñ meñ misāl-e-shāna thā

āstān-e-dil pe kal kuchh paañv kā aahaT huā

maiñ ne jaanā chor hai dekhā to sāhab-e-ḳhāna thā

marte dam tak fauj-e-mizhgāñ se muqābil hī rahā

maiñ ye jānūñ huuñ ki jaanā dil mirā murdā na thā

hazrat-e-sauda kā 'asġhar' sun le kyā misra.a hai ḳhuub

'ishq kī ḳhilqat ke aage dil mirā dīvāna thā

shab ki mahfil mein buton ki shama-ru jaanana tha

'ishq ki parwangi se dil mera parwana tha

ho gaya begana aisa meri surat se wo shoKH

mil gaya jo rah mein kal aashna goya na tha

chaak-chaak az bas hua dil KHanjar-e-gham se bahut

kal jo dekha us ki zulfon mein misal-e-shana tha

aastan-e-dil pe kal kuchh panw ka aahaT hua

main ne jaana chor hai dekha to sahab-e-KHana tha

marte dam tak fauj-e-mizhgan se muqabil hi raha

main ye jaanun hun ki jaana dil mera murda na tha

hazrat-e-sauda ka 'asghar' sun le kya misra hai KHub

'ishq ki KHilqat ke aage dil mera diwana tha