شب کہ محفل میں بتوں کی شمع رو جانانہ تھا

شب کہ محفل میں بتوں کی شمع رو جانانہ تھا

عشق کی پروانگی سے دل مرا پروانہ تھا

ہو گیا بیگانہ ایسا میری صورت سے وہ شوخ

مل گیا جو راہ میں کل آشنا گویا نہ تھا

چاک چاک از بس ہوا دل خنجر غم سے بہت

کل جو دیکھا اس کی زلفوں میں مثال شانہ تھا

آستان دل پہ کل کچھ پاؤں کا آہٹ ہوا

میں نے جانا چور ہے دیکھا تو صاحب خانہ تھا

مرتے دم تک فوج مژگاں سے مقابل ہی رہا

میں یہ جانوں ہوں کہ جانا دل مرا مردا نہ تھا

حضرت سودا کا اصغرؔ سن لے کیا مصرع ہے خوب

عشق کی خلقت کے آگے دل مرا دیوانہ تھا