thī ishq mein gham ki na kami KHun-e-jigar ki

thī ishq meñ ġham kī na kamī ḳhūn-e-jigar kī

khā pī ke bahut chain se auqāt basar kī

mushkil nazar aatā thā galā kaaT kar marnā

āḳhir ye muhim bhī tire jāñbāz ne sar kī

hairān hai dil ek hai choTeñ haiñ hazāroñ

khāte haiñ kidhar kī to bachāte haiñ kidhar kī

phir sun ke mirā naala vo ghabrā ke kaheñge

kam-baḳht ko is par bhī shikāyat hai asar kī

ye nāla-e-mahjūr hai yā naġhma-e-dā.ūd

halchal hai 'shafī' aaj sar-e-arsh asar kī

thī ishq mein gham ki na kami KHun-e-jigar ki

kha pi ke bahut chain se auqat basar ki

mushkil nazar aata tha gala kaT kar marna

aaKHir ye muhim bhi tere jaanbaz ne sar ki

hairan hai dil ek hai choTen hain hazaron

khate hain kidhar ki to bachate hain kidhar ki

phir sun ke mera nala wo ghabra ke kahenge

kam-baKHt ko is par bhi shikayat hai asar ki

ye nala-e-mahjur hai ya naghma-e-daud

halchal hai 'shafi' aaj sar-e-arsh asar ki