Sufinama

tere fidai kahin apne sar ko dekhte hain

Shah Akbar Danapuri

tere fidai kahin apne sar ko dekhte hain

Shah Akbar Danapuri

MORE BYShah Akbar Danapuri

    tire fidā.ī kahīñ apne sar ko dekhte haiñ

    vo terī teġh ko terī kamar ko dekhte haiñ

    ilāhī ḳhair ye sāmān kis ke qatl hai

    vo teġh dekhte haiñ phir kamar ko dekhte haiñ

    jidhar ishāra ho sajde us taraf ye phireñ

    nigāh-e-bāz tumhārī nazar ko dekhte haiñ

    vo apnī ghaat meñ haiñ aur apnī ghaat meñ ham

    vo dil ko aur ham un nazar ko dekhte haiñ

    rahe ḳhayāl ki ham bhī kareñge kal kuchh fikr

    ham aaj aur tumhārī nazar ko dekhte haiñ

    jidhar phireñ ye udhar saaf ho gayā maidāñ

    janāb rokiye aap is nazar ko dekhte haiñ

    nikal aa.e kafan sar se bāñdh kar ham bhī

    bas aaj aap teġh-e-nazar ko dekhte haiñ

    zamāna ho gayā hai vaqf-e-intizār ab tak

    khulī hai aañkh tirī rahguzar ko dekhte haiñ

    tumhāre dāñtoñ ke aage kisī mol nahīñ

    guhar-shanās kahāñ ab guhar ko dekhte haiñ

    jo tiir aap ke aa.e liye vo siina par

    janāb aap hamāre jigar ko dekhte haiñ

    ḳhabar nahīñ ke binā.eñ nishāna vo kis ko

    kisī ke dil ko kisī ke jigar ko dekhte haiñ

    tumhārī ḳhāk-e-qadam se ye lā-makāñ banā

    ham aaj arsh par us TuuTe ghar ko dekhte haiñ

    chale adam ko ye ghar aaj ham se chhuTtā hai

    nigāh-e-yās se dīvār-o-dar ko dekhte haiñ

    umīd-vār haiñ sajde hukm ho jaa.e

    khaḌe haiñ kab se tire sañg-e-dar ko dekhte haiñ

    hujūm hashr ke maidān meñ hai melā hai

    khaḌe haiñ aur sab is fitna-gar ko dekhte haiñ

    bahār aa.ī ye hālat hai ham safīroñ

    kabhī qafas ko kabhī bāl-o-par ko dekhte haiñ

    har ek barg ye kahtā hai shān-e-tuḳhm haiñ ham

    nigāh-e-ġhaur se jab ham shajar ko dekhte haiñ

    yahi vo shab hai shab-e-māh naam hai jis

    ham apne pahlū meñ aaj us qamar ko dekhte haiñ

    parī se ham ko ġharaz huur se hameñ matlab

    bashar se aañkh laḌī hai bashar ko dekhte haiñ

    malā.ika ko na thā hosh ye shab-e-me.arāj

    ḳhudā ko dekhte haiñ bashar ko dekhte haiñ

    hamārā shuġhl yahī hai bas ab ai 'akbar'

    darūd paḌhte haiñ ḳhairul-bashar ko dekhte haiñ

    tere fidai kahin apne sar ko dekhte hain

    wo teri tegh ko teri kamar ko dekhte hain

    ilahi KHair ye saman kis ke qatl ka hai

    wo tegh dekhte hain phir kamar ko dekhte hain

    jidhar ishaara ho sajde ka us taraf ye phiren

    nigah-e-baz tumhaari nazar ko dekhte hain

    wo apni ghat mein hain aur apni ghat mein hum

    wo dil ko aur hum un ki nazar ko dekhte hain

    rahe KHayal ki hum bhi karenge kal kuchh fikr

    hum aaj aur tumhaari nazar ko dekhte hain

    jidhar phiren ye udhar saf ho gaya maidan

    janab rokiye aap is nazar ko dekhte hain

    nikal hi aae kafan sar se bandh kar hum bhi

    bas aaj aap ki tegh-e-nazar ko dekhte hain

    zamana ho gaya hai waqf-e-intizar ab tak

    khuli hai aankh teri rahguzar ko dekhte hain

    tumhaare danton ke aage kisi ka mol nahin

    guhar-shanas kahan ab guhar ko dekhte hain

    jo tir aap ke aae liye wo sina par

    janab aap hamare jigar ko dekhte hain

    KHabar nahin ke binaen nishana wo kis ko

    kisi ke dil ko kisi ke jigar ko dekhte hain

    tumhaari KHak-e-qadam se ye la-makan bana

    hum aaj arsh par us TuTe ghar ko dekhte hain

    chale adam ko ye ghar aaj hum se chhuTta hai

    nigah-e-yas se diwar-o-dar ko dekhte hain

    umid-war hain sajde ka hukm ho jae

    khaDe hain kab se tere sang-e-dar ko dekhte hain

    hujum hashr ke maidan mein hai mela hai

    khaDe hain aur sab is fitna-gar ko dekhte hain

    bahaar aai ye haalat hai hum safiron ki

    kabhi qafas ko kabhi baal-o-par ko dekhte hain

    har ek barg ye kahta hai shan-e-tuKHm hain hum

    nigah-e-ghaur se jab hum shajar ko dekhte hain

    yahi wo shab hai shab-e-mah nam hai jis ka

    hum apne pahlu mein aaj us qamar ko dekhte hain

    pari se hum ko gharaz hur se hamein matlab

    bashar se aankh laDi hai bashar ko dekhte hain

    malaika ko na tha hosh ye shab-e-mearaj

    KHuda ko dekhte hain ya bashar ko dekhte hain

    hamara shughl yahi hai bas ab tu ai 'akbar'

    darud paDhte hain KHairul-bashar ko dekhte hain

    Source :
    • Book : Jazbat-e-Akbar (Pg. 70)
    • Author :Shah Akbar Danapuri
    • Publication : Agra Akhbar Press, Agra (1915)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now