wo aankhon mein surma diya chahta hai
vo āñkhoñ meñ surma diyā chāhtā hai
koī fitna barpā huā chāhtā hai
naqāb us ke ruḳh se uThā chāhtā hai
safā.ī kā uqda khulā chāhtā hai
vajūd us kā sābit huā chāhtā hai
mirā naqsh-e-hastī miTā chāhtā hai
vo be-parda mujh se milā chāhtā hai
hijāb-e-duī ab uThā chāhtā hai
chhiḌā qissa-e-hijr phir vasl kī shab
mere un ke jhagḌā huā chāhtā hai
ajal jald aa terā ehsān hogā
vo bālīñ se merī uThā chāhtā hai
na pūchh ai sanam haal ḳhvāhish kā us kī
ḳhudā jaane dil tujh se kyā chāhtā hai
chalī hai sabā nik.hat-e-zulf lekar
chaman meñ koī gul khilā chāhtā hai
bane ghar mirā kyuuñ na firdaus 'akbar'
vo gul aakar us meñ basā chāhtā hai
wo aankhon mein surma diya chahta hai
koi fitna barpa hua chahta hai
naqab us ke ruKH se uTha chahta hai
safai ka uqda khula chahta hai
wajud us ka sabit hua chahta hai
mera naqsh-e-hasti miTa chahta hai
wo be-parda mujh se mila chahta hai
hijab-e-dui ab uTha chahta hai
chhiDa qissa-e-hijr phir wasl ki shab
mere un ke jhagDa hua chahta hai
ajal jald aa tera ehsan hoga
wo baalin se meri uTha chahta hai
na puchh ai sanam haal KHwahish ka us ki
KHuda jaane dil tujh se kya chahta hai
chali hai saba nikhat-e-zulf lekar
chaman mein koi gul khila chahta hai
bane ghar mera kyun na firdaus 'akbar'
wo gul aakar us mein basa chahta hai
- Book : Tajalliyat-e-Ishq (Pg. 376)
- Author :Shah Akbar Danapuri
- Publication : Shaukat Shahjehani Press, Agra (1896)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.