chain milta nahin ab charKH-e-barin ke niche

chain miltā nahīñ ab charḳh-e-barīñ ke nīche

kyā kareñ jaate haiñ basne ko zamīñ ke nīche

vahī ārām se haiñ charḳh-e-barīñ ke nīche

paañv phailā.e jo sote haiñ zamīñ ke nīche

ek se ek parī-zād paḌā sotā hai

ik paristān nazar aatā hai zamīñ ke nīche

dekh kar terī jabīñ ham ne jo abrū dekhī

do hilāl aa.e nazar māh-e-mubīñ ke nīche

sarv-e-qad hai koī gul-rū to koī lāla-'izār

hai hasīnoñ kā chaman charḳh-e-barīñ ke nīche

jīte-jī to hameñ rāhat nahīñ dene kā falak

chain pā.eñge magar mar ke zamīñ ke nīche

kar diyā shor-e-qiyāmat ne yahāñ bhī bedār

samjhe the so.eñge jī bhar ke zamīñ ke nīche

aarzū hashr meñ 'akbar' hai mirī āñkhoñ kī

farsh hoñ ye qadam-e-sarvar-e-dīñ ke nīche

chain milta nahin ab charKH-e-barin ke niche

kya karen jate hain basne ko zamin ke niche

wahi aaram se hain charKH-e-barin ke niche

panw phailae jo sote hain zamin ke niche

ek se ek pari-zad paDa sota hai

ek paristan nazar aata hai zamin ke niche

dekh kar teri jabin hum ne jo abru dekhi

do hilal aae nazar mah-e-mubin ke niche

sarw-e-qad hai koi gul-ru to koi lala-'izar

hai hasinon ka chaman charKH-e-barin ke niche

jite-ji to hamein rahat nahin dene ka falak

chain paenge magar mar ke zamin ke niche

kar diya shor-e-qiyamat ne yahan bhi bedar

samjhe the soenge ji bhar ke zamin ke niche

aarzu hashr mein 'akbar' hai meri aankhon ki

farsh hon ye qadam-e-sarwar-e-din ke niche