justuju jis ki ho us shai ka pata milta hai

justujū jis kī ho us shai kā patā miltā hai

hai masal sach ki jo DhūñDhe to ḳhudā miltā hai

ḳhizr bhī aa.eñ to kho jaa.eñ rah-e-ulfat meñ

kūcha-e-ishq kī rāhoñ kā patā miltā hai

tañgī-e-rizq kī nā-haq hai shikāyat ai dil

hai jo kuchh apne muqaddar kā likhā miltā hai

hai talāsh us kī jo ai dil to faqīroñ meñ dekh

sūratoñ meñ unhīñ logoñ kī ḳhudā miltā hai

shaiḳh ka.abe ko chalā hai to barahman sū-e-dair

dekhnā to hai kise us kā patā miltā hai

kHāna-barbādī-e-ushshāq se kyā haath aayā

zulm se un sitam-ījādoñ ko kyā miltā hai

kam hai mujh sā bhī sahīhunnasb 'akbar' koī

silsila apnā kisī zulf se jā miltā hai

justuju jis ki ho us shai ka pata milta hai

hai masal sach ki jo DhunDhe to KHuda milta hai

KHizr bhi aaen to kho jaen rah-e-ulfat mein

kucha-e-ishq ki rahon ka pata milta hai

tangi-e-rizq ki na-haq hai shikayat ai dil

hai jo kuchh apne muqaddar ka likha milta hai

hai talash us ki jo ai dil to faqiron mein dekh

suraton mein unhin logon ki KHuda milta hai

shaiKH kabe ko chala hai to barahman su-e-dair

dekhna to hai kise us ka pata milta hai

kHana-barbaadi-e-ushshaq se kya hath aaya

zulm se un sitam-ijadon ko kya milta hai

kam hai mujh sa bhi sahihunnasb 'akbar' koi

silsila apna kisi zulf se ja milta hai