aanKHen dekhin nahin tumne kisi mastane ki

āñḳheñ dekhīñ nahīñ tum ne kisī mastāne kī

vā.izo qadr ho kyuuñ kar tumheñ paimāne kī

vahshateñ baḌh ga.iiñ phir aap ke dīvāne kī

us pe kyā guzrī jo dhun bañdh ga.ī vīrāne kī

qais rakhe qadam us meñ to jigar paanī ho

qaaf kī choTī hai pastī mere vīrāne kī

vaa.iz aa jaa.eñ abhī bāda-e-athar ke maze

tujhe lag jaa.e havā gar mere mai-ḳhāne kī

sham-e-mīnā kā havā sham-e-haram par dhokā

lau lagī hai mujhe ka.abe meñ bhī but-ḳhāne kī

us kā saaya paḌā to zāhid bahak jāoge

duur duur aao ye dīvār hai mai-ḳhāne kī

bazm-ārāsta maujūd hai mai hāzir jaam

ai hasīñ der agar hai to tire aane kī

bulbuleñ chahchahe kartī haiñ chaman meñ 'akbar'

hai ḳhabar aaj gulistāñ meñ bahār aane kī

aanKHen dekhin nahin tum ne kisi mastane ki

waizo qadr ho kyun kar tumhein paimane ki

wahshaten baDh gain phir aap ke diwane ki

us pe kya guzri jo dhun bandh gai virane ki

qais rakhe qadam us mein to jigar pani ho

qaf ki choTi hai pasti mere virane ki

waiz aa jaen abhi baada-e-athar ke maze

tujhe lag jae hawa gar mere mai-KHane ki

sham-e-mina ka hawa sham-e-haram par dhoka

lau lagi hai mujhe kabe mein bhi but-KHane ki

us ka saya paDa to zahid bahak jaoge

dur dur aao ye diwar hai mai-KHane ki

bazm-arasta maujud hai mai hazir jam

ai hasin der agar hai to tere aane ki

bulbulen chahchahe karti hain chaman mein 'akbar'

hai KHabar aaj gulistan mein bahaar aane ki