Sufinama

sultan-e-malik-e-dil hai yahan ka jo shah hai

Shah Akbar Danapuri

sultan-e-malik-e-dil hai yahan ka jo shah hai

Shah Akbar Danapuri

MORE BYShah Akbar Danapuri

    sultān-e-malik-e-dil hai yahāñ jo shaah hai

    ye bārgāh-e-ishq ajab bārgāh hai

    ye zau na mehar na ye nūr-e-māh hai

    terā jamāl hai ye tirī jalva-gāh hai

    ai dil payām-e-maut pe tirchhī nigāh hai

    is tiir bachāv nahīñ be-panāh hai

    merā dil-e-shikasta tirī sair-gāh hai

    be-shak gadā-navāz tu ai bādshāh hai

    hai āstān-e-pāk-e-nabī arsh bhī arsh

    donoñ jahān meñ yahi ik bārgāh hai

    rahmat ke vāste bhī to kuchh nazr chāhiye

    ai āsiyo gunāh se bachnā gunāh hai

    kahiye to band karle koī aañkh kis tarah

    kyā dekhnā bhī aap jānib gunāh hai

    saaqī hai josh rahmat-e-haq ko pilā.e

    ab vo gunāh-gār hai jo be-gunāh hai

    dekho to aakar is dil-e-pur-dāġh bahār

    tum bhī kahoge haañ ye koī sair-gāh hai

    apne ḳhayāl meñ ye vahīñ rahe haiñ sab

    jo mil gayā hameñ to vahī ḳhizr-e-rāh hai

    rasta adam ke qāfile bhūle nahīñ kabhī

    sīdhe vahīñ pahuñchte haiñ kyā ḳhuub raah hai

    hai ḳhizr ko bhī us meñ talāsh ek ḳhizr

    kyā haul-nāk vādī-e-ulfat raah hai

    'akbar' ke ghar aap nishāñ pūchhte haiñ kyā

    is be-navā faqīr vo ḳhānqāh hai

    sultan-e-malik-e-dil hai yahan ka jo shah hai

    ye bargah-e-ishq ajab bargah hai

    ye zau na mehar ki na ye nur-e-mah hai

    tera jamal hai ye teri jalwa-gah hai

    ai dil payam-e-maut pe tirchhi nigah hai

    is tir ka bachaw nahin be-panah hai

    mera dil-e-shikasta teri sair-gah hai

    be-shak gada-nawaz tu ai baadshah hai

    hai aastan-e-pak-e-nabi arsh ka bhi arsh

    donon jahan mein yahi ek bargah hai

    rahmat ke waste bhi to kuchh nazr chahiye

    ai aasiyo gunah se bachna gunah hai

    kahiye to band karle koi aankh kis tarah

    kya dekhna bhi aap ki jaanib gunah hai

    saqi hai josh rahmat-e-haq ko pilae ja

    ab wo gunah-gar hai jo be-gunah hai

    dekho to aakar is dil-e-pur-dagh ki bahaar

    tum bhi kahoge han ye koi sair-gah hai

    apne KHayal mein ye wahin ja rahe hain sab

    jo mil gaya hamein to wahi KHizr-e-rah hai

    rasta adam ke qafile bhule nahin kabhi

    sidhe wahin pahunchte hain kya KHub rah hai

    hai KHizr ko bhi us mein talash ek KHizr ki

    kya haul-nak wadi-e-ulfat ki rah hai

    'akbar' ke ghar ka aap nishan puchhte hain kya

    is be-nawa faqir ki wo KHanqah hai

    Source :
    • Book : Tajalliyat-e-Ishq (Pg. 310)
    • Author :Shah Akbar Danapuri
    • Publication : Shaukat Shahjehani, Agra (1896)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now