samne aap ke koi kya hai

sāmne aap ke koī kyā hai

huur kyā chiiz hai parī kyā hai

har ghaḌī shor-e-yā-alī kyā hai

hai ye āġhāz ishq abhī kiyā hai

arsh kī sair dam meñ kar aayā

nahīñ khultā ye aadmī kyā hai

mard agar hai to aa.e maidāñ meñ

dekhtā ham ko mudda.ī kyā hai

sunñe vāloñ ko jo na taḌpāve

aisī be-maġhz shā.erī kyā hai

sab usī kā hai hai yahi sab kuchh

kyā kahūñ tum se aadmī kyā hai

ishq kar ke kisī se dekh leñ aap

kyā batā.ūñ maiñ āshiqī kyā hai

mere bālīñ par aa.eñ vo dam-e-marg

is se baḌh kar mujhe ḳhushī kyā hai

chhīn kar le ga.e haiñ dil merā

jaan māran hai dil lagī kyā hai

kam na thā miir se ye ai 'akbar'

kyā kahūñ she'r-e-mushafī kyā hai

samne aap ke koi kya hai

hur kya chiz hai pari kya hai

har ghaDi shor-e-ya-ali kya hai

hai ye aaghaz ishq abhi kiya hai

arsh ki sair dam mein kar aaya

nahin khulta ye aadmi kya hai

mard agar hai to aae maidan mein

dekhta hum ko muddai kya hai

sunne walon ko jo na taDpawe

aisi be-maghz shaeri kya hai

sab usi ka hai hai yahi sab kuchh

kya kahun tum se aadmi kya hai

ishq kar ke kisi se dekh len aap

kya bataun main aashiqi kya hai

mere baalin par aaen wo dam-e-marg

is se baDh kar mujhe KHushi kya hai

chhin kar le gae hain dil mera

jaan maran hai dil lagi kya hai

kam na tha mir se ye ai 'akbar'

kya kahun she'r-e-mushafi kya hai