سامنے آپ کے کوئی کیا ہے

سامنے آپ کے کوئی کیا ہے

حور کیا چیز ہے پری کیا ہے

ہر گھڑی شور یا علی کیا ہے

ہے یہ آغاز عشق ابھی کیا ہے

عرش کی سیر دم میں کر آیا

نہیں کھلتا یہ آدمی کیا ہے

مرد اگر ہے تو آئے میداں میں

دیکھتا ہم کو مدعی کیا ہے

سننے والوں کو جو نہ تڑپاوے

ایسی بے مغز شاعری کیا ہے

سب اسی کا ہے ہے یہی سب کچھ

کیا کہوں تم سے آدمی کیا ہے

عشق کر کے کسی سے دیکھ لیں آپ

کیا بتاؤں میں عاشقی کیا ہے

میرے بالیں پر آئیں وہ دم مرگ

اس سے بڑھ کر مجھے خوشی کیا ہے

چھین کر لے گئے ہیں دل میرا

جان مارن ہے دل لگی کیا ہے

کم نہ تھا میر سے یہ اے اکبرؔ

کیا کہوں شعر مصحفی کیا ہے