hum sath lete aae hain taswir-e-yar ko
ham saath lete aa.e haiñ tasvīr-e-yār ko
kyuuñ kar kaheñ na ḳhalvat-e-jānāñ mazār ko
ye musht-e-ḳhāk ba.ad-e-fanā had se baḌh ga.ī
kahte haiñ log Dher hamāre mazār ko
begāna ban kar aa.e haiñ vo fātiha ko bhī
vāqif haiñ aur pūchh rahe haiñ mazār ko
rotā hai ye to hañstī hai bilkul zamīn-e-bāġh
girya ḳhushī kā aatā hai abr-e-bahār ko
allāh re tire zulf ke saudā.ī kā dimāġh
ḳhūn-e-siyāh kahtā hai mushk-e-tatār ko
'akbar' tumhāre dar pe hai baiThā Dha.ī diye
māyūs kījiye na is ummīd-vār ko
hum sath lete aae hain taswir-e-yar ko
kyun kar kahen na KHalwat-e-jaanan mazar ko
ye musht-e-KHak baad-e-fana had se baDh gai
kahte hain log Dher hamare mazar ko
begana ban kar aae hain wo fatiha ko bhi
waqif hain aur puchh rahe hain mazar ko
rota hai ye to hansti hai bilkul zamin-e-bagh
girya KHushi ka aata hai abr-e-bahaar ko
allah re tere zulf ke saudai ka dimagh
KHun-e-siyah kahta hai mushk-e-tatar ko
'akbar' tumhaare dar pe hai baiTha Dhai diye
mayus kijiye na is ummid-war ko
- Book : Tajalliyat-e-Ishq (Pg. 230)
- Author :Shah Akbar Danapuri
- Publication : Shaukat Shahjehani, Agra (1896)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.