jis ko dekho hai wahi mahw-e-tamasha tera

jis ko dekho hai vahī mahv-e-tamāsha terā

shaan allāh kī hai chehra-e-zebā terā

aks har ā.īna meñ terā hai to hai vo jamīl

har jamāl aur har andāz hai jalva terā

tuur par aag lagī ho ga.e muusā be-ḳhud

kaisī nairañgiyāñ dikhlā gayā jalva terā

maar Dālegī mujhe terī mohabbat kī nazar

us ke hī haath hai ab faisla merā terā

terī baḳhshī huī be-kār raheñgī āñḳheñ

dekh hī legā tujhe āshiq-e-shaidā terā

mere maulā mere mālik mere pyāre allāh

kyā kahūñ us ke sivā maiñ ki huuñ banda terā

apne 'akbar' ko banā de mere ḳhāliq aisā

sachche dil se vo hamesha rahe banda terā

jis ko dekho hai wahi mahw-e-tamasha tera

shan allah ki hai chehra-e-zeba tera

aks har aaina mein tera hai to hai wo jamil

har jamal aur har andaz hai jalwa tera

tur par aag lagi ho gae musa be-KHud

kaisi nairangiyan dikhla gaya jalwa tera

mar Dalegi mujhe teri mohabbat ki nazar

us ke hi hath hai ab faisla mera tera

teri baKHshi hui be-kar rahengi aanKHen

dekh hi lega tujhe aashiq-e-shaida tera

mere maula mere malik mere pyare allah

kya kahun us ke siwa main ki hun banda tera

apne 'akbar' ko bana de mere KHaliq aisa

sachche dil se wo hamesha rahe banda tera