abhi tak zaiqa bhula nahin dard-e-judai ka
abhī tak zā.iqa bhūlā nahīñ dard-e-judā.ī kā
dam āñkhoñ meñ hai dam bhartā huuñ lekin āshnā.ī kā
fasāna ho gayā qissa kisī kī be-vafā.ī kā
na legā koī ab bhūle se bhī naam āshnā.ī kā
hamāre dil ne vo sadma uThāyā hai judā.ī kā
zabāñ par apne aa.egā kabhī naam āshnā.ī kā
ye aise mil ga.e dariyā se jā kar ab nahīñ milte
tarīqa diyā hai qatroñ ko bhī kyā āshnā.ī kā
nahīñ ma.alūm aa jaatā hai dil kyuuñ kar hasīnoñ par
kisī āshiq se sīkheñge tarīqa āshnā.ī kā
ajab dard-āshnā huuñ dard-e-dil maiñ mol letā huuñ
mujhe pyārā hai shauq-e-vasl se sadma judā.ī kā
sitam ho yā jafā jo kuchh kare vo sab gavārā hai
kare kis muñh se shikva āshiq us kī bevafā.ī kā
visāl-e-yār kā hadiya hai naqd-e-jān-o-dil 'akbar'
havās-o-hosh nazrāna hai us kī rū-numā.ī kā
abhi tak zaiqa bhula nahin dard-e-judai ka
dam aankhon mein hai dam bharta hun lekin aashnai ka
fasana ho gaya qissa kisi ki be-wafai ka
na lega koi ab bhule se bhi nam aashnai ka
hamare dil ne wo sadma uThaya hai judai ka
zaban par apne aaega kabhi nam aashnai ka
ye aise mil gae dariya se ja kar ab nahin milte
tariqa diya hai qatron ko bhi kya aashnai ka
nahin malum aa jata hai dil kyun kar hasinon par
kisi aashiq se sikhenge tariqa aashnai ka
ajab dard-ashna hun dard-e-dil main mol leta hun
mujhe pyara hai shauq-e-wasl se sadma judai ka
sitam ho ya jafa jo kuchh kare wo sab gawara hai
kare kis munh se shikwa aashiq us ki bewafai ka
visal-e-yar ka hadiya hai naqd-e-jaan-o-dil 'akbar'
hawas-o-hosh nazrana hai us ki ru-numai ka
- Book : Jazbaat-e-Akbar (Pg. 5)
- Author :Shah Akbar Danapuri
- Publication : Agra Akhbar Press, Agra (1915)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.