kya rokna aasan hai us tegh-ada ka
kyā roknā āsān hai us teġh-adā kā
aisā hai koī thaam le jo haath qazā kā
ham ahl-e-vafā rañg dikhāte haiñ vafā kā
dil khol ke dikhlā.iye Dhañg apnī jafā kā
jaatā hī nahīñ dil se mazā terī jafā kā
ham ahl-e-vafā bhuul ga.e naam vafā kā
shohrā hai bahut āshiq-e-shaidā kī vafā kā
pahlū ye dabā.e hue terī jafā kā
ai jaan jo nisbat huī terī taraf us kī
jhuktā huā palla hai vafā se bhī jafā kā
naaz ahl-e-vafā ko jo vafā par hai bajā hai
pujne lagā vo jis ne liyā naam vafā kā
hal hotī hai mushkil to balā Taltī hai sar se
kyā naam mubārak hai shahīdān-e-vafā kā
tā-hashr yahī safha-e-hastī pe rahegā
miT jā.eñge ham naam miTegā na vafā kā
duniyā se vafādār to uTThe hī the 'akbar'
ab naam bhī uThtā nazar aatā hai vafā kā
kya rokna aasan hai us tegh-ada ka
aisa hai koi tham le jo hath qaza ka
hum ahl-e-wafa rang dikhate hain wafa ka
dil khol ke dikhlaiye Dhang apni jafa ka
jata hi nahin dil se maza teri jafa ka
hum ahl-e-wafa bhul gae nam wafa ka
shohra hai bahut aashiq-e-shaida ki wafa ka
pahlu ye dabae hue teri jafa ka
ai jaan jo nisbat hui teri taraf us ki
jhukta hua palla hai wafa se bhi jafa ka
naz ahl-e-wafa ko jo wafa par hai baja hai
pujne laga wo jis ne liya nam wafa ka
hal hoti hai mushkil to bala Talti hai sar se
kya nam mubarak hai shahidan-e-wafa ka
ta-hashr yahi safha-e-hasti pe rahega
miT jaenge hum nam miTega na wafa ka
duniya se wafadar to uTThe hi the 'akbar'
ab nam bhi uThta nazar aata hai wafa ka
- Book : Jazbaat-e-Akbar (Pg. 13)
- Author :Shah Akbar Danapuri
- Publication : Agra Akhbar Press, Agra (1915)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.