di buzurgi ye KHuda ne mere but-KHane ko

dī buzurgī ye ḳhudā ne mere but-ḳhāne ko

shaiḳh ye ka.aba banā tere qasam khāne ko

bhar de saaqī mai-e-tauhīd se paimāne ko

le chale haiñ mujhe but khīñch ke but-ḳhāne ko

mere ahbāb mujhe aate haiñ samjhāne ko

koī aisā nahīñ jaa.e jo use laane ko

kū-e-jānāñ meñ jo dekhā hai kisī āshiq ne

vahī sahrā meñ nazar aatā hai dīvāne ko

ishq ne gaaḌ dayā aa ke mere dil meñ nishāñ

thā ye parcham usī vīrāne meñ lahrāne ko

dard-e-ġhurbat meñ hai ustād kā misra 'akbar'

duur tak yād-e-vatan aa.ī thī samjhāne ko

di buzurgi ye KHuda ne mere but-KHane ko

shaiKH ye kaba bana tere qasam khane ko

bhar de saqi mai-e-tauhid se paimane ko

le chale hain mujhe but khinch ke but-KHane ko

mere ahbab mujhe aate hain samjhane ko

koi aisa nahin jae jo use lane ko

ku-e-jaanan mein jo dekha hai kisi aashiq ne

wahi sahra mein nazar aata hai diwane ko

ishq ne gaD daya aa ke mere dil mein nishan

tha ye parcham usi virane mein lahrane ko

dard-e-ghurbat mein hai ustad ka misra 'akbar'

dur tak yaad-e-watan aai thi samjhane ko