mohabbat ne teri mujhko kya apnon se begana

mohabbat ne tirī mujh ko kyā apnoñ se begāna

ta.alluq sab kā chhūTā ho gayā maiñ terā dīvāna

jise ulfat meñ pās-e-ābrū hai hai vo dīvāna

yahāñ jo duur hai farzāngī se hai vo farzāna

huā huuñ jab se ai jān-e-jahāñ maiñ terā dīvāna

mirā naam ahal-e-dānish kī zabānoñ par hai farzāna

sharāb aisī pilā mujh ko na bahkūñ maiñ na laġhzish ho

kahe har dekhne vaalā ki ye hai us kā mastāna

jahāñ pahuñchī nazar merī ḳhudāyā tū nazar aayā

mirī āñkhoñ meñ sab duniyā hai terā ā.īnā-kHāna

mere qātil ne maqtal meñ mujhī ko chun liyā 'akbar'

zamīñ par sar girā merā adā karne ko shukrāna

mohabbat ne teri mujh ko kya apnon se begana

talluq sab ka chhuTa ho gaya main tera diwana

jise ulfat mein pas-e-abru hai hai wo diwana

yahan jo dur hai farzangi se hai wo farzana

hua hun jab se ai jaan-e-jahan main tera diwana

mera nam ahal-e-danish ki zabanon par hai farzana

sharab aisi pila mujh ko na bahkun main na laghzish ho

kahe har dekhne wala ki ye hai us ka mastana

jahan pahunchi nazar meri KHudaya tu nazar aaya

meri aankhon mein sab duniya hai tera aaina-kHana

mere qatil ne maqtal mein mujhi ko chun liya 'akbar'

zamin par sar gira mera ada karne ko shukrana