taKHt-e-zarrin baadshahon ke liye

taḳht-e-zarrīñ bādshāhoñ ke liye

boriyā a.alam-panāhoñ ke liye

aaḌe aatā hai musībat meñ vahī

vo sipar hai be-panāhoñ ke liye

rahmat-e-haq ham gunahgāroñ kā haq

zohd-o-taqvā be-gunāhoñ ke liye

chashm-e-jauhar hai mire qātil kī teġh

ḳhuun roī be-gunāhoñ ke liye

yā nabī pakḌā hai dāman aap kā

hai yahī baḳhshish gunāhoñ ke liye

allāh allāh jab liyā allāh kā naam

abr-e-rahmat thā gunāhoñ ke liye

ishq kī manzil se nā-vāqif haiñ ḳhizr

dil hai rahbar aisī rāhoñ ke liye

ham faqīroñ kī yahī hai kā.enāt

boriyā hāzir hai shāhoñ ke liye

hai vahī do gaz zamīñ das gaz kafan

ham gadāoñ aur shāhoñ ke liye

is taraf aa.e na 'akbar' tīr-e-ġham

hai ye dil nāvik nigāhoñ ke liye

taKHt-e-zarrin baadshahon ke liye

boriya aalam-panahon ke liye

aaDe aata hai musibat mein wahi

wo sipar hai be-panahon ke liye

rahmat-e-haq hum gunahgaron ka haq

zohd-o-taqwa be-gunahon ke liye

chashm-e-jauhar hai mere qatil ki tegh

KHun roi be-gunahon ke liye

ya nabi pakDa hai daman aap ka

hai yahi baKHshish gunahon ke liye

allah allah jab liya allah ka nam

abr-e-rahmat tha gunahon ke liye

ishq ki manzil se na-waqif hain KHizr

dil hai rahbar aisi rahon ke liye

hum faqiron ki yahi hai kaenat

boriya hazir hai shahon ke liye

hai wahi do gaz zamin das gaz kafan

hum gadaon aur shahon ke liye

is taraf aae na 'akbar' tir-e-gham

hai ye dil nawik nigahon ke liye