jab se dekha ruKH-e-pur-nur tumhaara humne

jab se dekhā ruḳh-e-pur-nūr tumhārā ham ne

na liyā bhuul ke phir naam kisī kā ham ne

mar rahe haiñ magar ab bhī nahīñ khultī āñkheñ

kyā kaheñ ham use kin āñkhoñ se dekhā ham ne

na to ka.aba se javāb aayā na but-ḳhāne se

jis jagah ham ga.e us ko hī pukārā ham ne

aap farmāte haiñ zālim hameñ shak is meñ nahīñ

sach to hai tīr-e-nazar taan ke maarā ham ne

pahle dil thā kabhī naam us kā magar ab vo nahīñ

nuur manzil ko kyā ḳhaak kā Tiila ham ne

apnī āñkhoñ meñ samātā koī kyuuñ kar 'akbar'

āñkheñ khulte hī use dekh liyā thā ham ne

jab se dekha ruKH-e-pur-nur tumhaara hum ne

na liya bhul ke phir nam kisi ka hum ne

mar rahe hain magar ab bhi nahin khulti aankhen

kya kahen hum use kin aankhon se dekha hum ne

na to kaba se jawab aaya na but-KHane se

jis jagah hum gae us ko hi pukara hum ne

aap farmate hain zalim hamein shak is mein nahin

sach to hai tir-e-nazar tan ke mara hum ne

pahle dil tha kabhi nam us ka magar ab wo nahin

nur manzil ko kya KHak ka Tila hum ne

apni aankhon mein samata koi kyun kar 'akbar'

aankhen khulte hi use dekh liya tha hum ne