جب سے دیکھا رخ پر نور تمہارا ہم نے

جب سے دیکھا رخ پر نور تمہارا ہم نے

نہ لیا بھول کے پھر نام کسی کا ہم نے

مر رہے ہیں مگر اب بھی نہیں کھلتی آنکھیں

کیا کہیں ہم اسے کن آنکھوں سے دیکھا ہم نے

نہ تو کعبہ سے جواب آیا نہ بت خانے سے

جس جگہ ہم گئے اس کو ہی پکارا ہم نے

آپ فرماتے ہیں ظالم ہمیں شک اس میں نہیں

سچ تو ہے تیر نظر تان کے مارا ہم نے

پہلے دل تھا کبھی نام اس کا مگر اب وہ نہیں

نور منزل کو کیا خاک کا ٹیلہ ہم نے

اپنی آنکھوں میں سماتا کوئی کیوں کر اکبرؔ

آنکھیں کھلتے ہی اسے دیکھ لیا تھا ہم نے